Sea day睇到北極光（第十一天）
琴晚零晨一點起身（但係睇唔到北極光），今朝瞓到自然醒，已經十一點，就去食午餐。
玩咗個treasure hunt遊戲（要一team人同係個list入面嘅物品影合照），好耐無咁投入玩遊戲。
跟住去做gym，食左咁多，係時候要還。
再上咗deck曬太陽，用郵輪App，落單叫熱狗同汽水，15分鐘左右直接送到你的所在地，正。
是日晚餐意大利菜，之後又係酒吧玩game show。
食完飯，當然係去lounge飲野，睇game ahow。
再等到11點左右，直接上deck去睇北極光，真係睇到啦，同埋北極光係可以直接用肉眼睇到綠色，唔一定要透過相機，好正呀。
