一早出發去塞浦路斯（第一日）
早上五點幾起身出發，因為要搭八點鐘嘅飛機，由伯明翰到塞浦路斯，機程五個鐘頭，另外加兩個鐘頭時差，到達塞浦路斯嘅下晝三點。
先去攞車，揸45分鐘返酒店，我哋選擇咗喺塞浦路斯南邊嘅海灘酒店，無論去機場，上山區或者返首都都係一個鐘頭左右。
休息一陣就係酒店附近搵嘢食，搵到一間連鎖海鮮餐廳叫OB，性價比極高，去歐洲最開心就可以平價食海鮮。
P.S.咁啱今日我哋到達塞浦路斯，美國同以色列就攻打伊朗，開頭以為冇乜嘢，點知伊朗反擊，喺塞浦路斯英軍基地都受到襲擊，開始擔心佢哋會關閉機場。
