挪威峽灣郵輪之旅（第一日）
早一日已經落咗南邊，等到酒店十一點check out就揸車去郵輪碼頭，今次都係用咗碼頭cps泊車服務，真係幾方便。
放低行李之後就上船，就直上12樓食自助餐，由於呢艘郵輪上一個旅程爆發腸病毒，所以佢哋明顯好重視消毒，入餐廳前要洗手，自助餐都有專人幫你拎食物。
兩點半左右宣佈可以攞房，我哋今次係住內倉房，15日行程，all inclusive，每一個人都係£1008，真係好抵。
之後就喺船上面explorer一下，熟習下環境，仲畀我哋搵到cruise ship duck，真係好開心。
跟住食晚餐，由於喺主餐廳只有25張雙人枱，所以我哋要同人share table，六個人一張枱食晚餐。
餐後就去睇表演，跟住之後嗰兩日都係sea day海上航行。
