出發去函館（第三日）
一早起身去浸溫泉，飲支益力多，係酒店食埋早餐，就出發去函館。
中途喺八雲停一停，食午餐，食咗個套餐有親子丼加埋蕎麥麵都係770yen，之後睇埋當地熊仔博物館。
去到函館，先去參觀紅磚屋地區，明治維新時期產物，翻新完嘅紅磚貨倉裏面好多舖頭，由於時間關係都係急急腳行住睇。
去睇埋最古老石屎電燈柱，同埋一部超過100年手動電梯，驚喜位係你仲可以叫職員畀你試搭。
之後去咗一間由洋服店改建嘅拉麵館食晚餐，北海道鹽味拉麵好食，再加埋一碗乾瑤柱飯超正。
本來想揸車上山頂睇夜景，但係太多人封咗路，又有太多人搭纜車，所以放棄，再去便利店買甜品返酒店食。
P.S. 今次北海道旅程，有搵到AI幫手安排行程，因為想睇多啲有特色嘅歷史嘢，所以發掘咗好多另類嘅景點。
