遊走山區（第四日）
食完早餐，揸車去山區，先去sweat shop，佢係專賣好多唔同水果蔬菜嘅糖類醃製品，睇下出邊有個血紅色的噴水池，真係幾嚇人。
再去一個好細嘅藝術村，呢條村真係好細，同埋因為未到season，好多藝術館都冇開。但係成條村好有藝術風格，行落真係好舒服。
之後再出發去Omodos，一個好靚嘅小鎮，睇咗一間秘密基地屋，係呢度食埋午餐。
之後再落南邊海岸線，去咗一個好靚嘅海灘行下。
時間尚早，返返酒店附近，搵間local coffee shop hea下，咖啡同甜品有驚喜，佢個榛子chocolate bar真係完全冇落糖，好濃鬱樽子味，非常好食。
食咗幾日海鮮同希臘菜，有啲悶，今晚食麥當勞。
P.S. 由於中東局勢好緊張，好驚塞浦路斯機場關閉，係咁睇住啲新聞，又要諗定一旦停飛，應該點返英國，雖然並不感覺到危險，但係整個旅程感覺有點緊張。
