有驚喜的行程，到帶廣（第十日）
喺酒店食完早餐，就去海鮮市場行下，呢度最出名嘅海鮮丼，係可以自由選擇配搭魚生，但係相對價錢唔平，遊客遊客區價錢。
之後去睇太平洋煤礦博物館，雖然博物館好簡單，但係仔細，精準勾畫出當時開採太平洋煤礦的方法。
之後再去海鮮市場隔離一個food court食午餐，我哋都係食海鮮丼同埋買咗蜜瓜食。
然後出發去帶廣，先去workman plus買衫，功能性衣服平靚正。
中途再去參觀魚類觀察所，又真係好有驚喜，睇到大自然嘅魚類逆流而上。
可以睇到啲魚逆流而上
之後到帶廣馬場睇跑馬，又係另一驚喜位，全世界唯一負重拉車跑馬比賽，與其說跑馬，其實是拉車大賽。
其實啲觀眾仲行得快過啲馬
之後再去搵返，之前買唔到嘅黃色風褸，好開心。
去酒店check in之後就去食晚餐，然後再去附近台屋食店街睇下，好熱鬧。
