漫遊札幌（第十三日）
由於今日冇特別行程，可以漫遊札幌。
喺酒店食完早餐之後，就先去睇電視塔。
（話說我哋想搵酒店幫手預參觀雪印廠房，酒店職員叫我哋搵旅遊服務中心幫手，中心就喺電視塔附近，去到發現中心職員係大陸人，又叫我哋自己打去，最後自己打電話去預約，好彩對方都識簡單英文。）
然後再去二條市場，好多海鮮檔，但係感覺超級遊客點，所以就冇喺嗰度食晏晝。
之後去咗一間琴日見到好多人排隊食燒肉嘅餐廳，由於我哋時間上早唔使排隊就有得食。
餐後就去行一間好大嘅daiso，同埋四圍行下，然後再去間cafe食個下午茶，飲杯咖啡。
之後再去hands shopping，買埋孖女生日禮物。
夜晚就食咗一夜乾做晚餐，之後試埋粟米味雪糕。
